Notisia di un adkuisishon nobo ta yena nos atrobe ku orguyo, enfatisando nos kresementu kontinuo i dedikashon na un servisio sobresaliente pa nos klientenan. Ku nos servisionan (inter)nashonal kreseinte, aktividatnan i retna, nos por satisfechá mihó e diferente necesidatnan di merkado. Nos ta warda pa hasi uso di nos eksperensia i suma ainda mas balor na e komunidatnan ku nos ta sirbi.
“Dos aña pasa, nos a kuminsá na Bonaire ku e proyekto ‘Perspektiva’, kual ta dirigí na brinda edukashon i garantianan di trabou na hobennan atraves di traineeships. E promé dos studiante di trabou a kuminsá éksitosamente na Hulanda, kual ta posibilitá nos pa awor reclutá un grupo nobo di hobennan. E stap aki ta esensial pa nos progreso, i nos ta gratamente sorprendí pa e konfiansa di Simon i Charlene de Jong di Bonaire Infra i Trahadonan di Kaya pa krese huntu i kontribuí na Bonaire,” Evert Jan van der Es MSc, CEO di HR Groep a bisa.
“Pa Bonaire Infra i Trahadonan di Kaya, e kolaborashon aki no solamente ta nifika un oportunidat pa krese ku HR Groep, pero tambe pa sigurá e kontinuidat i deseonan di futuro di nos empresa. E bishon, konosementu i kompromiso sosial di HR Groep ta kore ku nos mes kredo. Nos ta mirando huntu ku konfiansa pa futuro i nos ta hopi kontentu tokante e partenaship aki,” Simon i Charlene de Jong, Bonaire Infra i Trahadonan di Kaya.
Kiko ta kambia pa bo?
Pa ser sincer, nada. Nos nivel haltu di kalidat, konfiabilidat i servisio ta keda meskos i por solamente bira ainda miho. Tanto Simon komo Charlene ta keda kompleto envolvé den Bonaire Infra i Trahadonan di Kaya. Sinembargo, ku e paso aki, nos por ofresé un pakete mas grandi i mas amplio di servisionan i aktividatnan en kolaborashon ku HR Groep.